علي هامش مأساة قطار الصعيد

 علي هامش مأساة قطار الصعيد
مينا كرم يكتب

اولا : طول ما شعب العاصمة الادارية بابراجها وانهارها وارقامها القياسية بخير و طول ما شعب العلمين بصحة وسلام في انتظار قطاره الكهربائي الآمن يبقي مفيش مشكلة وكله تمام والطريق ممهد و زي الفل

ثانيا : المتوفي البسيط نتيجة الاهمال حاليا وصل سعره ١٠٠ الف احنا هننهب مكنش هيعملهم لولاده لو كمل عادي في الحياة

ثالثا : مفيش حاجة اسمها مسئولية ادبية او جنائية عن حادث ده قضاء و قدر ، احنا هنكفر و نمشي ورا الغرب والدول المتقدمة في العك بتاعهم ده

رابعا : دي سوهاج و ده صعيد مصر يعني اي حاجة تمشي ومش لازم نقعد نتكلم و نوصل المسئولين انهم يقولوا لنا : " اللي مش عاجبه يسيب المحافظة ويمشي علي بحري " .

خامسا : كل التحية والتقدير للأهالي في موقع الحادث و لسيل التبرعات بالدم والادوية والاغذية للمصابين وللاطقم الطبي والمستشفيات علي ما بذلوه من جهد خارق لاحتواء الازمة علي أفضل ما يكون و رحم الله الضحايا و نطلب من الله شفاء عاجلا للمصابين وسلام للبلاد والعباد

سادسا : وده أهم من كل اللي فات : يا تري نتابع مسلسلات رمضان الهادفة السنة دي علي شاهد ولا نتفلكس احسن ؟ اسئلة وجودية بحق الالهة مش اسئلة عن الشأن الداخلي و العبث ده